Paralajmërohet se Ukraina mund të sulmohet edhe nga Bjellorusia sonte

A damaged residential building is seen, after Russia launched a massive military operation against Ukraine, in Kyiv, Ukraine February 25, 2022. REUTERS/Umit Bektas

20:31 | 11 Mars 2022
Lorik Gerbeshi

Ukraina tha se Bjellorusia mund të planifikojë të pushtojë territorin e saj të premten dhe akuzoi Rusinë se po përpiqet të sjellë aleatin e saj në luftë duke organizuar sulme ajrore në Bjellorusi nga hapësira ajrore ukrainase.

Bjellorusia ka shërbyer si stacion për trupat, raketat dhe avionët rusë, si para ashtu edhe pasi Rusia nisi pushtimin e saj në Ukrainë më 24 shkurt, por ajo nuk i ka vendosur forcat e veta në betejë ende, shkruan Reuters, transmeton arbresh.info.

Ushtria e Ukrainës akuzoi avionët rusë se qëlluan fshatrat kufitare bjelloruse nga hapësira ajrore ukrainase të premten për të justifikuar ofanzivë bjelloruse.

“Ky është një PROVOKIM! Qëllimi është përfshirja e Forcave të Armatosura të Republikës së Bjellorusisë në luftën me Ukrainën!”, deklaroi Komanda e Forcave Ajrore të Ukrainës.

Kremlini nuk iu përgjigj kërkesës për koment mbi deklaratën e Komandës së Forcave Ajrore ukrainase.

“Sipas të dhënave paraprake, trupat bjelloruse mund të synojnë sulmin më 11 mars në orën 21:00”, tha ai./Arbresh.info